Wednesday, May 21, 2014

Parvati - சமயபுரம் மாரியம்மா

சமயபுரம் மாரியம்மா – தெரிசனம்
தந்துவிட வாடியம்மா
உமையவளே என்கொறைங்கள – உனக்கு
தீர்ப்பதொரு காரியமா? (2)

ஆடிமாசம் வந்தவுடன்
ஆத்தாமொகம் காணவேண்டி

ஓடியிங்கு வந்தேனம்மா – ஒன்புகழ
பாடயிங்கு வந்தேனம்மா

ஆத்தா
  (சமயபுரம் .... (1)

பாழும்மனசு கவலையெல்லாம்
பஞ்சுபோல பறந்துபோக

கூழூத்த வந்தேனம்மா – மனங்குளிர
குடிசுப்புட்டு போடியம்மா

ஆத்தா
  (சமயபுரம் .... (1)

எங்ககுலம் தழச்சிடவே
சந்தோசம் பொங்கிடவே

பொங்கலத்தான் படயலிட்டோம் – அம்மா
பாசத்தோட ஏத்துக்கடி

ஆத்தா

சமயபுரம் மாரியம்மா – தெரிசனம்
தந்துவிட வாடியம்மா
உமையவளே என்கொறைங்கள – உனக்கு

தீர்ப்பதொரு காரியமா? (2)

No comments:

Post a Comment