Iyappan - கார்த்திகையில் மாலையினை நாமணிவோமே

கார்த்திகையில் மாலையினை நாமணிவோமே – அந்த

காடுநதி கடந்தவனின் தாள் பணிவோமே

ஆறுவாரம் நேர்த்தியாக நோன்புகள் இருந்து – அந்த

ஹரிஹரனின் நாமத்திலே மனம் கனிவோமே

கேட்கும்வரம் அள்ளித்தரும் வள்ளலல்லவா – அவன்

கொஞ்சுமழகு உருவங்கொண்ட பிள்ளையல்லவா

பாட்டெழுதும் சிறுவனுக்குத் தந்தையல்லவா – என்னை

பாதம்பணிய வைத்ததொரு விந்தை ல்லவா

இருமுடியை பக்தியுடன் தலையினில் சுமந்து – உன்

ஈரொன்பது படியேற ஆசையுங் கொண்டேன்  

குருவடிவே குழந்தையெந்தன் கைகளைப்பிடித்து – என்

கூடவந்து வழிகாட்டி காட்சியும் தருவாய்