Hanuman - நங்கை நல்லூர் உறையும்

Audio clip of the song

பல்லவி :

நங்கை நல்லூர் உறையும் ஜெய மாருதி - இங்கு

நீ தானே என்னுடைய சரணாகதி

சங்கடங்கள் தீர்த்திடுவாய் ஜெய மாருதி - என்றும்

என்னுடைய வானத்தில் நீயே மதி

(பல்லவி)

சரணம் 1

அம்பரத்தைத் தொட்டுவிடும் உயரத்தில் - நீ

இருப்பதினால் மறந்தனையோ ஜெய மாருதி

துன்ப நிலை ஒழிந்திடுமா ஜெய மாருதி - இங்கு

செல்வ மழை பொழிந்திடுமா ஜெய மாருதி

 (பல்லவி)

சரணம் 2

விடையில்லாக் கேள்வி ஆச்சு ஜெய மாருதி - என்

வாழ்க்கையொரு வேள்வி ஆச்சு

வடைமாலை சாற்ற வந்தேன் ஜெய மாருதி - நல்ல

வழி நீயும் காட்டிடுவாய் ஜெய மாருதி

(பல்லவி)